لیہ(نمائندہ لیہ ٹی وی) ڈپٹی کمشنر امیرابیدار نے خانہ بدوش بستی نزد شوگر ملز میں بچوں کو پولیو ویکسین کے قطرے پلا کر ضلع میں انسداد پولیو کی قومی مہم کا افتتاح کر دیا ۔
ڈپٹی کمشنر نے اس موقع پر اپنی بیٹی کو بھی پولیو ویکسین کے قطرے پلوائے۔
اس موقع پرسابق ایم این اے صاحبزادہ فیض الحسن سواگ، سی ای او ہیلتھ ڈاکٹر شاہد ریاض، ڈی ایچ او ڈاکٹر غلام محی الدین تھے۔ڈپٹی کمشنر نے بچوں کو پولیو ویکسین پلائی ان کی فنگر مارکنگ کی اور ان میں کھانے پینے کی اشیاءتقسیم کیں۔ڈپٹی کمشنر اس موقع پر کہاکہ انسداد پولیو مہم کو کامیاب بنانا ہر فرد کی ذمہ دری ہے بچے پاکستان کا مستقبل ہیں اور ان کو مستقل معذوری سے بچانا ہمارا اولین فرض ہے
انسداد پولیو مہم میں ہر بچے کو دو قطرے ویکسین پلانے کا ہدف حاصل کیا جائے اور تمام ٹیموں کی کڑی نگرانی کی جائے گی۔ ڈپٹی کمشنر نے مزیدکہاکہ تمام ٹیموں کی روزانہ کی بنیاد پر کارکردگی کا جائزہ لیا جائے گا والدین اور اساتذہ پانچ سال تک کی عمر کے بچوں کی ویکسینیشن یقینی بنائیں۔
