لیہ(نمائندہ ٹی وی)ڈسٹرکٹ ٹریفک پولیس کے زیر اہتمام مدرسہ اشرف المدارس میں ٹریفک ایجوکیشن و روڈ سیفٹی لیکچر کا اہتمام کیا گیا۔ وزیر اعلیٰ پنجاب مریم نواز شریف اور ڈی آئی جی ٹریفک پنجاب وقاص نزیر کی ہدایات پر ڈی ٹی او لیہ ظفر کی قیادت میں ٹریفک پولیس ٹیم نے مدرسہ اشرف المدارس میں طلبہ و اساتذہ کو ٹریفک قوانین اور روڈ سیفٹی بارے آگاہی لیکچر دیا۔ ٹریفک ایجوکیشن یونٹ کے افسران اقبال کریم اور محمد خان نے لیکچر میں پیدل چلنے کے محفوظ اصول، ہیلمٹ اور سیٹ بیلٹ کے استعمال، ٹریفک سگنلز کی پابندی، ون وے کی خلاف ورزی سے بچنے اور کم عمر ڈرائیونگ کے نقصانات پر تفصیلی روشنی ڈالی گئی۔ ٹریفک پولیس نے طلبہ کو “ٹریفک ایمبیسیڈر” بننے کی ترغیب دیتے ہوئے کہا کہ قانون کا احترام ہی محفوظ معاشرے کی ضمانت ہے۔ طلبہ نے بھرپور دلچسپی کا اظہار کیا اور ٹریفک قوانین پر عملدرآمد کا عہد کیا۔
