لیہ(نمائندہ لیہ ٹی وی )ضلع لیہ میں وزیر اعلیٰ پنجاب سپیشل سکریننگ کیمپ قائم کر دیے گئے۔ ڈپٹی کمشنر آصف علی ڈوگر اور سابق صوبائی وزیر مہر اعجاز احمد اچلانہ نے ڈی ایچ کیو ہسپتال میں ہیلتھ اینڈ پاپولیشن ڈیپارٹمنٹ کے زیر اہتمام قائم سکریننگ کیمپ کا افتتاح کیا۔ اس موقع پر چیف ایگزیکٹو آفیسر ہیلتھ ڈاکٹر شاہد ریاض، میڈیکل سپرنٹنڈنٹ ڈاکٹر محمد حیات سندھو اور متعلقہ افسران بھی موجود تھے۔ ڈپٹی کمشنر آصف علی ڈوگر نے رجسٹریشن کیمپ سمیت مختلف کاؤنٹرز کا معائنہ کیا اور سکریننگ کے عمل کا جائزہ لیا۔ ڈپٹی کمشنر اور سابق صوبائی وزیر نے خود بھی رجسٹریشن کروا کر مختلف ٹیسٹ کروائے۔ اس موقع پر گفتگو کرتے ہوئے ڈپٹی کمشنر آصف علی ڈوگر نے کہا کہ وزیر اعلیٰ پنجاب مریم نواز شریف کے وژن کے مطابق ون ونڈو سہولت پر مشتمل سپیشل سکریننگ کیمپ قائم کیے گئے ہیں، جہاں شہریوں کو ایک ہی چھت تلے رجسٹریشن، تشخیص، علاج اور رہنمائی کی سہولیات فراہم کی جا رہی ہیں۔ انہوں نے کہا کہ یہ پروگرام “صحت مند پنجاب” وژن کی جانب ایک اہم اور انقلابی قدم ہے۔ انہوں نے شہریوں پر زور دیا کہ وہ تین روزہ سکریننگ کیمپ سے بھرپور استفادہ کریں اور اپنی صحت کے مفت ٹیسٹ ضرور کروائیں۔ سابق صوبائی وزیر مہر اعجاز احمد اچلانہ نے کہا کہ وزیر اعلیٰ پنجاب سپیشل سکریننگ کیمپ عوامی فلاح کا بہترین اقدام ہے، جہاں ہر عمر اور ہر طبقے سے تعلق رکھنے والے مرد و خواتین مفت طبی معائنہ اور ٹیسٹ کی سہولت حاصل کر سکتے ہیں۔ انہوں نے کہا کہ لیہ میں صحت کی سہولیات میں نمایاں بہتری آئی ہے جبکہ سکریننگ کیمپ کا ریکارڈ محفوظ ہونے سے مستقبل میں بہتر طبی منصوبہ بندی میں بھی مدد ملے گی۔ سی ای او ہیلتھ ڈاکٹر شاہد ریاض نے بتایا کہ سپیشل سکریننگ کیمپ 16 مئی تک ڈی ایچ کیو ہسپتال، تمام ٹی ایچ کیوز، مریم نواز ہسپتال لدھانہ، 110 ٹی ڈی اے، اور مریم نواز ہیلتھ کلینکس جھرکل، رفیق آباد اور 151 ٹی ڈی اے میں جاری رہیں گے۔ انہوں نے بتایا کہ کیمپوں میں ہیپاٹائٹس، ایڈز، ٹی بی، شوگر، بچوں کی صحت و ویکسینیشن، پھیپھڑوں کی بیماریوں، غذائیت اور خاندانی منصوبہ بندی سے متعلق سکریننگ، تشخیص، علاج اور آگاہی فراہم کی جا رہی ہے۔ اس کی اخبری سرخی بنا دو
