لیہ: ڈپٹی کمشنر آصف علی ڈوگر کی ہدایات پر بہادر ڈیجیٹل لائبریری کی فنشنگ کا کام تیزی سے جاری ہے۔ ایڈیشنل ڈپٹی کمشنر سوشل سروسز خضر ظہور نے اس سلسلہ میں بہادر ڈیجیٹل لائبریری کا دورہ کیا اور مختلف جاری و تکمیلی کاموں کا معائنہ کیا۔ ڈپٹی ڈائریکٹر کالجز ذوالفقار علی حیدری اور اسسٹنٹ ڈائریکٹر پلاننگ اسحاق کھیرانی بھی ان کے ہمراہ تھے۔ اس موقع پر انہوں نے متعلقہ عملہ و کنٹریکٹرز کو کام کی رفتار تیز کرنے اور تمام کام مقررہ معیار کے مطابق مکمل کرنے کی ہدایات دیں۔ انہوں نے کہا کہ عوامی سہولیات سے متعلق منصوبوں کی بروقت تکمیل یقینی بنائی جائے۔ زیر تکمیل کاموں میں معیار پر کسی قسم کا سمجھوتہ نہ کیا جائے اور باقی ماندہ کام جلد مکمل کیے جائیں تاکہ شہریوں کو ان سہولیات سے بھرپور استفادہ کا موقع مل سکے۔







