لیہ: ڈپٹی کمشنر آصف علی ڈوگر کی ہدایت پر صحت سہولیات کی مانیٹرنگ کا عمل جاری ہے۔ اسسٹنٹ کمشنر کروڑ اصغر علی نے اس سلسلہ میں مریم نواز ہیلتھ کلینک سہو والا کا دورہ کیا اور کلینک میں فراہم کی جانے والی طبی سہولیات کا تفصیلی جائزہ لیا۔ اس موقع پر انہوں نے سٹاف کی حاضری، ادویات کی دستیابی اور صفائی ستھرائی کی صورتحال چیک کی۔ اسسٹنٹ کمشنر نے کلینک کے لان اور گراؤنڈ میں صفائی کے معیار کر بہتر کرنے اور پودے لگانے کی ہدایات جاری کیں۔ انہوں نے کہا کہ عوام کو صحت کی بنیادی سہولیات کی فراہمی کے ساتھ کلینک میں صفائی ستھرائی اور بہترین ماحول کو بھی یقینی بنایا جائے۔







