لَیَّہ (نمائندہ لیہ ٹی وی) رِیلوے روڈ پر محنت مزدوری کی غرض سے آنے والا ایک بزرگ شہری اچانک طبیعت خراب ہونے کے باعث جاں بحق ہو گیا۔عینی شاہدین کے مطابق بزرگ روزگار کی تلاش اور اپنے بچوں کا پیٹ پالنے کیلئے مزدوری پر آیا تھا کہ اسی دوران اس کی طبیعت اچانک بگڑ گئی اور وہ زمین پر گر پڑا۔موقع پر موجود افراد نے فوری طور پر بزرگ کو طبی امداد فراہم کرنے کی کوشش کی، تاہم وہ جانبر نہ ہو سکا اور موقع پر ہی دم توڑ گیا۔واقعہ کے بعد شہریوں کی بڑی تعداد موقع پر جمع ہو گئی جبکہ اطلاع ملنے پر متعلقہ اداروں نے کارروائی شروع کر دی۔شہریوں نے افسوس کا اظہار کرتے ہوئے کہا کہ محنت مزدوری کرنے والے افراد شدید معاشی مشکلات کے باوجود روزگار کیلئے سخت حالات میں کام کرنے پر مجبور ہیں۔
