لیہ (نمائندہ لیہ ٹی وی) فورس میں نظم و ضبط کو قائم رکھنے کے لیے پولیس لائن لیہ میں علی الصبح جنرل پریڈ کا انعقاد کیا گیا,ڈی ایس پی آر گنائزڈ کرائم محمد حیات نے جنرل پریڈ کا معائنہ کیا اور سلامی لی, ایلیٹ فورس ،ٹریفک پولیس، ضلعی پولیس اور لیڈیز پولیس افسران و اہلکاران نے جنرل پریڈ میں حصہ لیا،ڈی ایس پی نے جوانوں کا ٹرن آؤٹ چیک کیا اوربہترین ٹرن آؤٹ والے جوانوں کو شاباش دی ، ڈی ایس پی نے جوانوں سے خطاب کرتے ہوئے کہا کہ جنرل پریڈ کے انعقاد کا مقصد فورس کے ٹرن آؤٹ اور ڈسپلن کو بہتر بنانا ہے، ہفتہ واری جنرل پریڈ کے انعقادِ سے فورس میں نظم و ضبط قائم اور مورال بلند ہوتا ہے
