لیہ(نمائندہ لیہ ٹی وی ) وزیراعلیٰ پنجاب مریم نواز شریف کے احکامات پر اوپن ڈور پالیسی کے تحت شہریوں کے مسائل کے فوری حل کا سلسلہ جاری ہے۔ اس سلسلہ میں اسسٹنٹ کمشنر کروڑ اصغر علی چیمہ اور اسسٹنٹ کمشنر لیہ رانا زوہیب کریم نے اپنے اپنے دفاتر میں آنے والے شہریوں کے مسائل سنے اور موقع پر متعلقہ افسران کو ہدایات جاری کیں۔اسسٹنٹ کمشنرز نے اس موقع پر کہا کہ حکومت پنجاب عوام کو ریلیف کی فراہمی کے لیے ہر ممکن اقدامات کر رہی ہے اور اوپن ڈور پالیسی کا مقصد شہریوں کو بلا رکاوٹ رسائی فراہم کرنا ہے تاکہ ان کے مسائل بروقت حل ہو سکیں۔ انہوں نے سائلین کی درخواستوں پر احکامات جاری کرتے ہوئے متعلقہ محکموں کو ہدایت کی کہ شکایات کے ازالہ میں کسی قسم کی غفلت برداشت نہیں کی جائے گی اور مقررہ وقت میں عملدرآمد یقینی بنایا جائے۔انہوں نے مزید کہا کہ عوامی خدمت حکومت کی اولین ترجیح ہے اور شہریوں کو درپیش مسائل کے حل کے لیے تمام وسائل بروئے کار لائے جا رہے ہیں جبکہ دفاتر میں آنے والے ہر سائل کے ساتھ خوش اخلاقی اور میرٹ کو یقینی بنایا جا رہا ہے۔
