لیہ(نمائندہ لیہ ٹی وی )ایڈیشنل ڈپٹی کمشنر ریونیو عابدہ فرید نے ڈسٹرکٹ پروموشن کمیٹی کے تحت ترقی پانے والے اہلکاروں کو قانون گو کے عہدے پر ترقی کے آرڈرز جاری کیے۔ اس موقع پر جنرل شبیر احمد ڈوگر اور سپریٹنڈنٹ طارق جاوید بھی موجود تھے۔اے ڈی سی آر عابدہ فرید نے فتح محمد، محمد اسلم، رانا مشکور، رفیق، اقبال اور جام ریاض کو ترقی کے آرڈرز دیے گئے اور ان کو مبارک باد دی۔ایڈیشنل ڈپٹی کمشنر ریونیو عابدہ فرید نے اس موقع پر کہا کہ ترقی یافتہ اہلکار اپنے فرائض کو ایمانداری اور محنت کے ساتھ سرانجام دیتے ہوئے عوام کے لیے بہترین خدمات فراہم کریں۔ انہوں نے مزید کہا کہ ضلعی انتظامیہ اہلکاروں کی کارکردگی کو سراہتی ہے اور ترقی کے مواقع اہلکاروں کی محنت اور قابلیت کے مطابق فراہم کیے جاتے رہیں گے۔ ایڈیشنل ڈپٹی کمشنر نے ترقی پانے والے اہلکاروں کی محنت کو مثالی قرار دیتے ہوئے کہا کہ یہ اقدامات دیگر اہلکاروں کے لیے بھی حوصلہ افزائی کا سبب بنیں گے۔
