اوپن ڈور پالیسی کے تحت شہریوں کے مسائل سنے گئے، موقع پر احکامات جاری ایڈیشنل ڈپٹی کمشنر جنرل شبیر احمد ڈوگر کا کہنا ہے عوامی مسائل کا بروقت حل انتظامیہ کی اولین ترجیح ہے

لیہ(نمائندہ لیہ ٹی وی)وزیر اعلیٰ پنجاب مریم نواز شریف کے وژن کے مطابق عوام کی داد رسی کا سلسلہ جاری ہے۔ ڈپٹی کمشنر آصف علی ڈوگر کی ہدایت پر انتظامی افسران کی جانب سے اوپن ڈور پالیسی کے تحت شہریوں کے مسائل کے حل کے لئے اقدامات اٹھائے جا رہے ہیں۔ اس سلسلہ میں ایڈیشنل ڈپٹی کمشنر جنرل شبیر احمد ڈوگر نے اپنے دفتر میں اوپن ڈور پالیسی کے تحت شہریوں کے مسائل سنے اور ان کے حل کے لئے موقع پر احکامات جاری کئے۔ اے ڈی سی جی نے کہا کہ عوام کی خدمت اور ان کے مسائل کا بروقت حل اولین ترجیح ہے۔ شہری اپنے مسائل کے حل کے لئے مقررہ وقت میں رجوع کر سکتے ہیں۔ انہوں نے اس موقع پر شہریوں کے مسائل سنے اور ان کی درخواستوں پر متعلقہ حکام کو احکامات جاری کئے۔