لیہ (نمائندہ لیہ ٹی وی)ایڈیشنل آئی جی پٹرولنگ پولیس پنجاب کے حکم اور ریجنل پولیس آفیسر پنجاب ہائی وے پٹرول ڈیرہ غازی خان ایس پی رانا جان محمد کی ہدایت پر ڈی ایس پی پٹرولنگ ضلع لیہ راؤ عمر فاروق نے پٹرولنگ پوسٹ لدھانہ موڑ کے بیٹ ایریا میں کھلی کچہری کا انعقاد کیا۔ اس موقع پر اہلِ علاقہ کی بڑی تعداد نے شرکت کی اور اپنے مسائل سے آگاہ کیا۔ڈی ایس پی پٹرولنگ راؤ عمر فاروق نے شہریوں کے مسائل تفصیل سے سنے اور موقع پر متعلقہ افسران کو حل کے لیے ضروری ہدایات جاری کیں۔ اس دوران بیٹ ایریا میں موجود ڈرائیور حضرات کو روڈ سیفٹی کے حوالے سے خصوصی بریفنگ بھی دی گئی۔انہوں نے انسانی جانوں کے تحفظ کو اولین ترجیح قرار دیتے ہوئے ٹریفک قوانین پر سختی سے عملدرآمد کی ہدایت کی۔ ڈی ایس پی پٹرولنگ راؤ عمر فاروق نے ڈرائیور حضرات کو اوور اسپیڈنگ، اوور لوڈنگ آف پیسنجرز، لین اینڈ لائن کی پابندی، دورانِ ڈرائیونگ موبائل فون کے استعمال سے اجتناب اور خصوصا موٹر سائیکل سوار کو ہیلمٹ کا لازمی استعمال کرنے اور سیٹ بیلٹ کے لازمی استعمال کی تاکید کی۔انہوں نے مزید واضح کیا کہ ٹریفک قوانین کی خلاف ورزی کرنے والوں کے خلاف بلا امتیاز قانونی کارروائی عمل میں لائی جائے گی۔عوام الناس کی جان کے تحفظ کو ہر صورت یقینی بنایا جائے گا ۔
