لیہ(نمائندہ لیہ ٹی وی) ڈی پی او لیہ حسن جاوید بھٹی کا سہولت رمضان بازار لیہ کا وزٹ ،اشیاء خورد و نوش کی قیمتوں کا جائزہ لیا اور کوالٹی بھی چیک کی،ڈی پی او لیہ حسن جاوید بھٹی کےسہولت رمضان بازار کے وزٹ کے موقع پرانچارج سکیورٹی یاسر عرفات و دیگر سول وپولیس افسران ان کے ہمراہ تھے ،ڈی پی او لیہ نےپھل ،سبزیوں ،گوشت اور کریانہ آئٹم کی قیمتوں اور ان کے معیار کو چیک کیا ،ڈی پی او لیہ نے متعلقہ افسران کو ہدایت کرتے ہوئے کہا کہ ماہ رمضان کے مقدس ایام میں روزہ داروں سے ناجائز منافع خوری ہر گز نہ کی جائے ،پنجاب حکومت کی طرف سے مقرر کردہ نرخوں پر اشیاء خورد و نوش کی فروخت کو یقینی بنایا جائے
