لیہ(نمائندہ لیہ ٹی وی)وزیر اعلیٰ پنجاب مریم نواز شریف کے وژن کے مطابق ضلع لیہ کی ری شیپنگ کا عمل تیزی سے جاری۔ عوامی سہولیات کے پیش نظر سہولت آن دا گو بازاروں کی تعمیر آخری مراحل میں داخل ہو گئی ہے۔ اس سلسلہ میں ڈپٹی کمشنر آصف علی ڈوگر کی ہدایت پر ایڈیشنل ڈپٹی کمشنر جنرل شبیر احمد ڈوگر نے لیہ مائنر پر تعمیر ہونے والے سہولت آن دا گو بازار کا معائنہ کیا اور جاری کام کا جائزہ لیا۔ اے ڈی سی جی شبیر احمد ڈوگر نے ہدایت کی کہ سہولت آن دا گو بازار کا رہ جانے والا کام جلد از جلد مکمل کیا جائے۔ انہوں نے کہا کہ سہولت آن دا گو بازار رمضان المبارک سے قبل آپریشنل کیا جائے تاکہ خریداروں کو ایک ہی جگہ سے معیاری اشیاء خصوصاً فروٹ، سبزی اور گوشت مل سکے۔ انہوں نے کہا کہ سہولت آن دا گو بازار ضلع میں ایک خوبصورت اضافہ ہے جہاں ایک ہی طرز کے آؤٹ لیٹ بنائے گئے ہیں جس سے شہر کی خوبصورتی میں اضافہ ہوگا اور عوام کو خریداری میں بھی آسانی ہوگی۔
