لیہ(نمائندہ لیہ ٹی وی) ایڈیشنل ڈپٹی کمشنر ریونیو شاہد ملک نے کہا ہے کہ وزیر اعلیٰ پنجاب مریم نواز شریف کے رمضان نگہبان کارڈ کی گھر گھر پہنچانے کا عمل تیز کیا جائے۔ انہوں نے یہ بات اپنے دفتر میں رمضان نگہبان کارڈ کے سلسلہ میں جائزہ اجلاس کی صدارت کرتے ہوئے کہی۔ اجلاس میں ڈسٹرکٹ منیجر پی ایس ای آر مدثر شہزاد، اسسٹنٹ ڈائریکٹر زراعت محمد طلحہ اور متعلقہ افسران موجود تھے۔اجلاس سے خطاب کرتے ہوئے اے ڈی سی آر نے کہا کہ وزیر اعلیٰ پنجاب رمضان نگہبان کاررڈ کی پہلی کھیپ دس رمضان المبارک تک مستحق افراد کو فراہم کر دی جائے۔ انہوں نے کہا کہ کارڈ کی ایکٹیویشن اور رقوم کی ادائیگی کو سہل طریقے سے یقینی بنایا جائے۔ اجلاس میں بتایا گیا کہ پہلے مرحلے میں ضلع بھر میں 21 ہزار خاندانوں کو رمضان نگہبان کارڈ دئے جائیں گے دوسرے مرحلے میں 30 ہزار سے زائد کارڈ دئے جائیں گے رمضان نگہبان کارڈ رمضان کے بعد بھی دیگر حکومتی پیکجز کے لئے کار آمد ہوں گے۔
