لیہ(نمائندہ لیہ ٹی وی) وزیر اعلیٰ پنجاب مریم نواز شریف کے خصوصی پروگرام کمیونٹی ہیلتھ انسپکٹرز کے تحت گھر گھر سروے مہم جاری ہے۔ اس سلسلہ میں سی ای او ہیلتھ ڈاکٹر شاہد ریاض مختلف علاقوں میں مہم کا جائزہ لیا۔ اس موقع پر انہوں نے فیلڈ میں موجود ٹیموں کی کارکردگی کو سراہتے ہوئے سروے کے طریقہ کار، ڈیٹا اندراج اور عوامی آگاہی کے عمل کو چیک کیا۔ ڈاکٹر شاہد ریاض نے کہا کہ یہ اقدام وزیر اعلیٰ پنجاب مریم نواز شریف کے ویژن کے مطابق عوام کو ان کی دہلیز پر معیاری طبی سہولیات فراہم کرنے کی جانب ایک اہم قدم ہے۔ انہوں نے ہدایت کی کہ سروے کے دوران درست اور مکمل معلومات اکٹھی کی جائیں۔ سی ای او ہیلتھ نے ٹیموں کو تاکید کی کہ وہ پیشہ وارانہ انداز اپناتے ہوئے شہریوں کے ساتھ خوش اخلاقی سے پیش آئیں۔
