لیہ تونسہ پل روڈ کی بحالی، ترقی کی نئی راہیں کھل گئیں،رائے غلام عباس بھٹی، رائے غلام عباس بھٹی اور رائے منیر حسین بھٹی کا دورہ، مہر اعجاز اچلانہ کی کاوشوں کو سراہا، منصوبے کے لیے 10 لاکھ روپے عطیہ

لیہ (نمائندہ لیہ ٹی وی) فخر پاکستان چیئرمین رائے غلام عباس بھٹی اور شیر لیہ رائے منیر حسین بھٹی نے حالیہ دورہ لیہ تونسہ پل روڈ کے موقع پر مہر اعجاز اچلانہ کے ہمراہ جاری ترقیاتی کاموں کا جائزہ لیا۔ اس موقع پر علاقہ عمائدین اور شہریوں کی بڑی تعداد بھی موجود تھی۔رائے غلام عباس بھٹی نے اس موقع پر کہا کہ لیہ تونسہ پل روڈ کی تعمیر ضلع لیہ کے لیے ایک اہم سنگ میل ہے جو نہ صرف سفری سہولیات میں بہتری لائے گا بلکہ مقامی معیشت کو بھی تقویت دے گا۔ انہوں نے اس منصوبے کی بحالی اور دوبارہ آغاز پر مہر اعجاز اچلانہ کی کاوشوں کو سراہتے ہوئے کہا کہ سابق صوبائی وزیر مہر اعجاز احمد اچلانہ نے حکمت عملی اور استقامت سے رکاوٹوں کا مقابلہ کر کے عوامی مفاد کے اس منصوبے کو پایہ تکمیل تک پہنچانے کے لیے عملی اقدامات کیے۔اس موقع پر رائے غلام عباس بھٹی اور رائے منیر حسین بھٹی نے منصوبے کے لیے 10 لاکھ روپے کے عطیے کا اعلان کیا اور اس عزم کا اظہار کیا کہ وہ ضلع لیہ کی ترقی اور عوامی فلاح کے ہر منصوبے میں بھرپور کردار ادا کرتے رہیں گے۔انہوں نے کہا کہ لیہ تونسہ پل روڈ کی تکمیل سے نواں کوٹ جھنگ تک براہ راست رسائی ممکن ہوگی جس سے تجارت، آمدورفت اور روزگار کے مواقع میں اضافہ ہوگا۔ انہوں نے کہا کہ ضلع لیہ ترقی کی راہ پر گامزن ہے اور باہمی تعاون سے اسے مزید خوشحال بنایا جائے گا۔مہر اعجاز اچلانہ نے اس موقع پر اظہار تشکر کرتے ہوئے کہا کہ ضلع لیہ کی خدمت ان کا مشن ہے اور وہ عوامی مسائل کے حل اور ترقیاتی منصوبوں کی تکمیل کے لیے اپنی کوششیں جاری رکھیں گے۔