لیہ(نمائندہ لیہ ٹی وی) ایڈیشنل ڈپٹی کمشنرجنرل شبیرا حمدڈوگر کی زیرصدارت ڈسٹرکٹ کوالٹی کنٹرول بورڈ کا اجلاس منعقد ہوا ۔ اجلاس کے دوران 5 کیسز پر وارننگ جاری کی گئی، 7کیسز کو ڈرگ کورٹ بھجوانے، 3کیسز کا دوبارہ معائنہ کرنے کے فیصلے کیے گئے۔اجلاس سے خطاب کرتے ہوئے ایڈیشنل ڈپٹی کمشنرجنرل شبیرا حمدڈوگرنے کہاکہ ڈرگ انسپکٹرز تمام میڈیکل اسٹورز اور ادویات ساز کمپنیوں کی سخت نگرانی کریں۔ انہوں نے کہا کہ اتائیت کے خاتمے اور معیاری ادویات کی فراہمی کو یقینی بنانا ضلعی انتظامیہ کی ترجیحات میں شامل ہے درست ریکارڈ مرتب نہ کرنے والے میڈیکل اسٹور مالکان کے خلاف بلا امتیاز کارروائی عمل میں لائی جائے اور ہر میڈیکل اسٹور پر کوالیفائیڈ پرسن کی موجودگی کو یقینی بنایا جائے تاکہ شہریوں کو معیاری، محفوظ اور مؤثر ادویات کی فراہمی ممکن ہو سکےحکومت پنجاب کی ہدایات کے تحت اتائیت کے مکمل خاتمے تک یہ مہم تسلسل کے ساتھ جاری رہے گی۔اجلاس میں ڈاکٹرمحمدیونس کلیہ،ڈاکٹرعبدالعزیز، ڈرگ کنٹرولر عدنان کمال ،سیکرٹری بورڈ عامر شکیل گورمانی موجودتھے۔
