لیہ(نمائندہ لیہ ٹی وی)وزیر اعلیٰ پنجاب مریم نواز شریف کا عوامی خدمت کے مشن کا ایک اور کامیاب دن۔ ضلع بھر میں پیرا فورس مکمل فعال کر دی گئی ۔ سپورٹس کمپلیکس لیہ میں پنجاب انفورسمنٹ اینڈ ریگولیٹری اتھارٹی فورس (پیرا)کی کمانڈ پریڈ (سلامی) کی تقریب منعقد ہوئی۔ پیرافورس کے چاک و چوبند دستے نے ڈپٹی کمشنر/ چیئر پرسن پیرا فورس امیرا بیدار کو سلامی پیش کی۔ تقریب میں ایڈیشنل ڈپٹی کمشنر جنرل شبیر احمد ڈوگر، اسسٹنٹ کمشنر حارث حمید خان ایس ڈی ای او فہد نور، ڈسٹرکٹ سپورٹس آفیسر امتیاز احمد بھٹی اور میڈیا نمائندگان نے شرکت کی۔ ڈپٹی کمشنر نے اس موقع پر تقریب سے خطاب کرتے ہوئے کہا کہ وزیراعلی پنجاب مریم نواز کے وژن کے مطابق عوامی مسائل کے حل کے لئے پیرا فورس کا قیام عمل میں لایا گیا ہے پیرا فورس ضلعی انتظامیہ کا دست بازو بن کر کام کرے گی۔ انہوں نے کہا کہ گراں فروشی، ذخیرہ اندوزی، تجاوزات اور ناجائز قبضہ کا خاتمہ پیرا فورس کا بنیادی ٹارگٹ ہیں پیرا فورس قانون کی عملداری، شفافیت اور انصاف کی فوری فراہمی کے فرائض بھی انجام دے گی۔ ڈپٹی کمشنر نے کہا کہ عوام کے زمینوں کے معاملات خصوصاً ناجائز قبضہ واگزاری کو مختصر وقت میں حل کیا جائے گاپیرا فورس سے عوام کو توقعات وابستہ ہیں لہٰذ جوان بلا امتیاز لوگوں کی خدمت کریں۔ ڈپٹی کمشنر نے کہا کہ وزیر اعلیٰ کے وژن کے مطابق عوام کا تحفظ اور خدمت یقینی بنائی جائے تاکہ عوام کا اداروں پر اعتماد بحال ہو اور انہیں احساس تحفظ اطمینان حاصل ہو۔ تقریب کے اختتام پر قومی ترانہ پڑھا گیا۔
