لیہ(نمائندہ لیہ ٹی وی)وزیراعلی پنجاب مریم نوا ز شریف کے احکامات پر ویسٹ مینجمنٹ کمپنی کی جانب سے ستھرا پنجاب مہم میں مزید بہتری لانے کے لیے زیر ویسٹ آپریشن کے تحت ضلع بھر میں صفائی آپریشن جاری ہے۔اس سلسلہ میں ضلع بھر میں اضافی کنٹینرز اور ڈسٹ بن نصب کیے جارہے ہیں۔ ڈپٹی کمشنر امیرابیدار نے کہاکہ زیرو ویسٹ مہم اور صفائی کے نظام میں بہتری کے لیے اضافی کنٹینرز اور ڈسٹ بن رکھے جارہے ہیں روزانہ کی بنیادپر بھاری مشینری کے ذریعے کوڑا اُٹھایاجارہا ہے جبکہ واٹر باو ¿زرز کے ذریعے چھڑکاو ¿ کرکے صاف ماحول کی فراہمی کو یقینی بنایاجارہاہے۔ انہوں نے کہاکہ شہری کوڑا کرکٹ اِدھر اُدھر ڈالنے کی بجائے ڈسٹ بن میں ڈالیں ۔انہوں نے مزیدکہا انجمن تاجران ا پنی تنظیم کے ذریعے دوکاندار وں ،ریڑھی بانوں کو پابندکریں کہ وہ کوڑا کرکٹ ڈسٹ بن ڈالیںتاکہ کوڑا کرکٹ اُٹھانے میں آسانی ہو۔
