غیر قانونی منی پٹرول پمپ یونٹس کے خلاف آپریشن، متعدد سیل

لیہ(نمائندہ لیہ ٹی وی)وزیراعلی پنجاب مریم نوازشریف کے احکامات پر منی پٹرول پمپ یونٹس کے خلاف کارروائیاں جاری ہیں۔ڈپٹی کمشنر امیرابیدار کی ہدایت پراسسٹنٹ کمشنر تحصیل کروڑ نور محمداور سول ڈیفنس آفیسرمحمدتوقیرعباس نے مختلف مقامات پر کارروائی کرتے ہوئے منی پٹرول پمپ یونٹس سیل کر دیئے۔اسسٹنٹ کمشنر تحصیل کروڑ نور محمد نے اس موقع پرکہاکہ غیرقانونی منی پٹرول پمپس کسی صورت برداشت نہیں کیے جائیں گے انسانی جانوں کا تحفظ اولین ترجیح ہے غیر قانونی طور پر پٹرولیم مصنوعات فروخت کرنے والے کسی بھی رعایت کے مستحق نہیںہیں غیر قانونی منی پٹرول پمپس کے خلاف بلا تفریق کارروائیاں جاری رہیں گی اور معائنہ کے دوران بھاری جرمانے عائد کرنے کے ساتھ سامان بھی ضبط کرلیاجائے گا۔