ڈیرہ غازی خان بورڈ کے تحت نہم کے سالانہ امتحانات کا آغاز، شفافیت کے لیے سخت مانیٹرنگ

لیہ(نمائندہ لیہ ٹی وی)بورڈ آف انٹرمیڈیٹ اینڈ سیکنڈری ایجوکیشن ڈیرہ غازی خان کے زیر اہتمام نہم کلاس کے سالانہ امتحانات کا آغاز ہو گیا ہے۔ وزیر اعلی پنجاب مریم نواز شریف کے ویژن کے مطابق میرٹ کی بالا دستی اور شفاف امتحانات کے انعقاد کے لئے ضلعی انتظامیہ کی طرف سے مانیٹرنگ کے سخت انتظامات کئے گئے ہیں۔ ڈپٹی کمشنر لیہ امیرا بیدار کی ہدایات پر ایڈیشنل ڈپٹی کمشنر ریونیو شاہد ملک نے گورنمنٹ گرلز ہائی سکول شوگر ملز کالونی جبکہ ایڈیشنل ڈپٹی کمشنر جنرل شبیر احمد ڈوگر نے ڈی جی خان بورڈ آف انٹرمیڈیٹ اینڈ سیکنڈری ایجوکیشن کے زیر اہتمام منعقد ہونے والے نہم کلاس کے سالانہ امتحانات کے سلسلہ میں امتحانی مرکز گورنمنٹ کامرس کالج لیہ کا وزٹ کیا اس موقع پر انھوں امیدواروں کی حاضری، رولنمبرسلپ، اور سکیورٹی کے انتظامات کو چیک کیا۔