تیز رفتاری کے باعث موٹر سائیکل حادثہ، ایک شخص جاں بحق، دوسرا شدید زخمی

لیہ(نمائندہ لیہ ٹی وی) چوک اعظم روڈ پر رواج ہوٹل کے سامنے تیز رفتاری اور لاپرواہی کے باعث ایک افسوسناک حادثہ پیش آیا، جس میں بجری سے بھرے ٹرک کے پیچھے موٹر سائیکل ٹکرا گئی۔ حادثے کی اطلاع ملنے پرریسکیو 1122 نے ریسکیو موٹر بائیک اور ایک ایمبولینس کو موقع پر روانہ کیا گیا۔ریسکیو عملے کے مطابق حادثے میں دو افراد شدید زخمی ہوئے جنہیں سر پر گہرے زخم آئے تھے۔ ان میں سے ایک شخص عبدالحمید ولد امام بخش (عمر 34 سال) جو چک نمبر 164 ٹی ڈی اے لیہ کا رہائشی تھا، زخموں کی تاب نہ لاتے ہوئے موقع پر ہی جاں بحق ہوگیا۔ دوسرے زخمی، قیصر عباس ولد شیر محمد (عمر 40 سال) جو اسی علاقے کے رہائشی ہیں، کو نیم بے ہوشی کی حالت میں ریسکیو عملے نے ابتدائی طبی امداد فراہم کرتے ہوئے پٹی کی اور سی پی آر (CPR) کرتے ہوئے فوری طور پر ڈی ایچ کیو اسپتال لیہ منتقل کیا۔ریسکیو ذرائع کے مطابق حادثے کی وجہ تیز رفتاری اور لاپرواہی بتائی جا رہی ہے۔ اس افسوسناک حادثے نے علاقے میں سوگ کی فضا پیدا کر دی ہے۔ پولیس نے موقع پر پہنچ کر شواہد اکٹھے کر لیے ہیں اور مزید تحقیقات جاری ہیں۔