ملتان (لیہ ٹی وی)ڈپٹی کمشنر محمد علی بخاری نے کہا کہ وزیراعلی پنجاب نے صوبے بھر میں انفراسٹرکچر کی بحالی کیلئے سڑکیں بحال پنجاب خوشحال منصوبے کی بنیاد رکھی ہے اس سلسلے میں شہر اولیاءمیں شاہراہوں کے مختلف منصوبے تیزی سے جاری ہیں ۔ان خیالات کا اظہار انہوں نے گزشتہ روز سہو چوک تا نادرن بائی پاس روڈ کی اپ گریڈیشن کے منصوبے کا دورہ کرتے ہوئے کیا اس موقع پر ڈپٹی کمشنر نے کہا کہ مذکورہ روڈ 1027 ملین کی لاگت سے تکمیل کی جانب گامزن ہے قبل ازیں ڈپٹی کمشنر محمد علی بخاری نے روڈ کی اپ گریڈیشن کا دورہ کیا۔محمد علی بخاری نے روڈ کی کوالٹی چیک کی اور معیار برقرار رکھنے کا حکم دیا۔ڈپٹی کمشنر نے کہا کہ 9 کلومیٹر طویل ڈبل کیرج روڈ مئی میں مکمل کرلیا جائے گا جس کے بعد ٹریفک دباؤمیں واضح کمی آئے گی۔
