ملتان(لیہ ٹی وی)وزیر زراعت پنجاب سید عاشق حسین کرمانی کی ہدایت پر محکمہ زراعت پنجاب کے تحت صوبائی سے یونین کونسل کی سطح تک باران رحمت کیلئے نماز استسقاء کی ادائیگی ملتان:14 فروری 2025: ترجمان محکمہ زراعت پنجاب کے مطابق وزیر زراعت پنجاب سید عاشق حسین کرمانی کی ہدایت پر موجودہ موسمی حالات کے پیشِ نظر آج محکمہ زراعت پنجاب کے تحت صوبائی سے یونین کونسل کی سطح تک تما م فارمیشنز کے افسران و ملازمین نے خشک سالی کے خاتمے اور باران رحمت کے نزولِ کیلئے نماز استسقاء ادا کی۔ اس ضمن میں صوبائی سطح پر ایگریکلچر ہاؤس میں نمازِ استسقاء کا اہتمام کیا گیا جس میں ڈائریکٹر جنرل زرعی اطلاعات پنجاب نوید عصمت کاہلوں سمیت دیگر افسران و ملازمین نے شرکت کی۔ترجمان محکمہ زراعت پنجاب نے مزید کہا کہ نمازِ استسقاء میں بارانِ رحمت کے لئے خصوصی دعائیں کی گئیں۔باران ِ رحمت ہونے سے صوبہ میں گندم سمیت دیگر فصلوں پر مثبت اثرات مرتب ہوں گے (انشاء اللہ)
