اسلام آباد (لیہ ٹی وی) اسلام آباد ہائی کورٹ نے متنازع پیکا ترمیمی ایکٹ کے خلاف درخواستوں پر اہم پیش رفت کرتے ہوئے وزارتِ قانون اور وزارتِ اطلاعات کو نوٹس جاری کر دیا۔ جسٹس راجہ انعام امین منہاس نے پی ایف یو جے اور دیگر درخواست گزاروں کی درخواستوں پر تحریری حکم جاری کیا۔ عدالتِ عالیہ نے وزارتِ آئی ٹی اور وزارتِ داخلہ کو بھی نوٹس جاری کرتے ہوئے جواب طلب کر لیا۔ اس کے علاوہ، ایف آئی اے اور پیمرا کو بھی دو ہفتوں میں جواب جمع کرانے کا حکم دے دیا گیا۔ ہائی کورٹ نے اٹارنی جنرل کو بھی عدالتی معاونت کے لیے نوٹس جاری کر دیا ہے۔
