سی ٹی ڈی کی کارروائی، پنجاب کے مختلف شہروں سے 15 دہشت گرد گرفتار

لاہور: (لیہ ٹی وی)محکمہ انسداد دہشت گردی (سی ٹی ڈی) نے پنجاب کے مختلف شہروں میں کارروائیاں کرتے ہوئے 15 مبینہ دہشت گردوں کو گرفتار کر لیا۔ ترجمان سی ٹی ڈی کے مطابق گرفتار دہشت گردوں سے دھماکہ خیز مواد اور ڈیٹونیٹرز برآمد کیے گئے ہیں۔ لاہور، سیالکوٹ، سرگودھا، میانوالی، جھنگ اور دیگر شہروں میں کارروائی کے دوران ایک خطرناک دہشت گرد بھی پکڑا گیا، جس کا تعلق شمالی وزیرستان سے ہے۔ سی ٹی ڈی حکام کے مطابق ملزمان سے مزید تفتیش جاری ہے۔