ملتان (لیہ ٹی وی)منیجنگ ڈائریکٹر واسا خالد رضا خان کی ہدایت پر سیوریج لائنوں کی صفائی کیلئے جائیکا کی طرف سے فراہم کی جانے والی مشینری اور جدید کیمروں کے ذریعے بھر پور آپریشن کا سلسلہ جاری ہے تمام سیوریج سب ڈویژنوں کی سطح پر روزانہ کی بنیاد پر سیوریج لائنوں کی موئثر انداز سے مکمل صفائی کی جارہی ہے سیوریج لائن کی صفائی سے پہلے اور بعد از صفائی تصاویری رپورٹ بھی مرتب کر کے ریکارڈ کا حصہ بنایا جا رہا ہے تمام سیوریج سب ڈویژنوں کی سطح پر ٹیمیں شیڈول کے مطابق ڈی سلٹنگ کرنے میں سرگرم ہیں جمعرات کی شب اور جمعہ کے روز شہر کے مختلف علاقوں میں ٹیموں نے مشینری کے ہمراہ سیوریج لائنوں کی بھرپور صفائی اور شکایت کا ازالہ کیااور سیوریج سب ڈویژنوں کی جانب سے ایم ڈی واسا کو اپنی اپنی حدود میں ڈی سلٹنگ مہم کے حوالے سے کارکردگی رپورٹ بھی پیش کی رپورٹ کے مطابق حسن آباد گیٹ نمبر1سٹریٹ نمبرA1،رحمان کالونی سٹریٹ نمبر15،خوشحال کالونی سٹریٹ نمبر4،نیو ملتان،ملنگنی چوک،زکریا ٹاؤن نزد خواجہ غریب نواز،محمد پورہ،مین روڈ ممتاز آباد،میلاد چوک نواب پور روڈ،قیصر آبادسٹریٹ حضور بخش والی،شاہ ٹاؤن سٹریٹ نمبر10،ولایت حسین کالج،جمال پور کالونی،معصوم شاہ روڈ،اسلم آباد کالونی،بستی فیض آباد Sبلاک،شریف پورہ سٹریٹ نمبر 7کے علاقوں کے درجنوں مین ہولز کی صفائی کی گئی جس پرایم ڈی واسا نے تمام ڈپٹی ڈائریکٹرز سیوریج کو اپنی اپنی حدود میں سیوریج لائنوں کی صفائی مہم میں مزید تیزی لانے اور لائنوں کی صفائی پر مامور سٹاف کیلئے تمام ضروری حفاظتی اقدامات کرنے کی ہدایت کی ہے دریں اثناء سیوریج سب ڈویژنوں کی سطح پر ٹوٹ پھوٹ کے شکار مین ہولز کی مرمت کا سلسلہ بھی جاری ہے اور تمام سیوریج سب ڈویژنوں میں باقاعدگی کے ساتھ مین ہولز کورز کی مرمت کی جا رہی ہے۔
