ملتان گیس باؤزر دھماکہ: تھانہ مظفر آباد کے ایس ایچ او برطرف

اسلام آباد (لیہ ٹی وی) ملتان میں گزشتہ دنوں گیس باؤزر دھماکے کی تفتیش کے دوران تھانہ مظفر آباد کے ایس ایچ او کو عہدے سے ہٹا دیا گیا،پولیس حکام کے مطابق ایس ایچ او بشیر احمد پر غیر قانونی ایل پی جی منتقلی کے اڈوں سے مبینہ طور پر رشوت وصول کرنے کا الزام ہے، ان کے خلاف محکمانہ انکوائری کا بھی آغاز کر دیا گیا ہے۔واضح رہے کہ پانچ روز قبل تھانہ مظفر آباد کی حدود میں ایل پی جی کی غیر قانونی منتقلی کے دوران گیس باؤزر میں خوفناک دھماکہ ہوا تھا، جس کے نتیجے میں 10 افراد جاں بحق اور 39 زخمی ہوئے تھے۔