لیہ(لیہ ٹی وی)چیئرپرسن وزیراعلی پنجاب سرویلنس و مانیٹرنگ ڈائریکٹوریٹ برگیڈیئر ( ر ) بابر علاؤالدین نے ٹی ایچ کیولیول ہسپتال چوک اعظم اور ٹراما سنٹرکا معائنہ کیا۔اس موقع پرسابق ایم پی اے محمدطاہررندھاوا،رہنمامسلم لیگ عابد انوار علوی ،ضلعی جنرل سیکرٹری چوہدری ظفر اقبال گجرہمراہ تھے۔چیئرپرسن وزیراعلی پنجاب سرویلنس و مانیٹرنگ ڈائریکٹوریٹ برگیڈیئر ( ر ) بابر علاؤالدین نے ہسپتال کے مختلف شعبوں لیب، او پی ڈی ، میل و فی میل وارڈز ایمرجنسی وارڈ کا معائنہ کیا۔انہوں نے اس موقع پر کہاکہ وزیراعلی پنجاب مریم نوازکا خواب صحت مندپنجاب ہے جسے عملی جامع پہنانے کے لیے ہرممکن اقدامات اُٹھائے جارہے ہیں ۔چیئرپرسن بابر علاؤالدین نے کہاکہ علاج معالجے اور مریضوں کی نگہداشت میں کوئی کوتاہی اور غفلت برداشت نہیں کی جائیگی وزیراعلیٰ پنجاب کی قیادت میں عوام کو علاج معالجہ کی بہتر سہولیات کی فراہمی حکومت پنجاب کی اولین ترجیح ہے۔چیئرپرسن بابر علاؤالدین نے ہدایت کرتے ہوئے کہاکہ حکومت پنجاب کی ہدایت پر ہسپتال میں علاج معالجہ کے ساتھ ساتھ مفت ادویا ت کی فراہمی کو جاری رکھاجائے معیاری اور فوری طبی سہولتوں کی فراہمی ہر مریض کا حق ہے۔چیئرپرسن وزیراعلی پنجاب سرویلنس و مانیٹرنگ ڈائریکٹوریٹ برگیڈیئر ( ر ) بابر علاؤالدین نے ٹراما سنٹرکا معائنہ کیا۔انہوں نے اس موقع پر ٹراما سنٹرکی کی تکمیل اور فنکشنل کرنے کے لیے جلدازجلد فنڈز جاری کروانے کی یقین دہانی کروائی۔اس موقع پر ایم ایس ڈاکٹر ارشد بپی نے بریفنگ دی۔
