کمیونٹی ایمرجنسی رسپانس ٹیم کی تشکیل کا مقصد بڑے سانحے کی صورت میں محفوظ طریقے سے موقع پر پہنچ کر لوگوں کی جان و مال کی حفاظت یقینی بنانا۔
ڈسٹرکٹ ایمرجنسی آفیسر ڈاکٹر سجاد احمد
محفوظ معاشرے کی تشکیل کے لیے ہر شہری ابتدائی طبی امداد کی تربیت لازمی حاصل کرے۔ڈسٹرکٹ ایمرجنسی آفیسر
لیہ (لیہ ٹی وی) سیکرٹری پنجاب ایمرجنسی سروس ڈیپارٹمنٹ ڈاکٹر رضوان نصیر کی ہدایت پر ڈسٹرکٹ ایمرجنسی آفیسر ڈاکٹر سجاد احمد کی زیر نگرانی ضلع بھر کی تینوں تحصیلوں(لیہ،کروڑ،چوبارہ) اور مختلف یونین کونسل کے ریسکیورضاکاروں کی ٹیموں کے درمیان (CERT) چیلنج کا انعقاد کیا گیا۔ جس میں ضلع بھر سے مختلف یونین کونسل کی ٹیموں نے شمولیت کی. چیلنج کا انعقاد ریسکیو سینٹرل سٹیشن لیہ میں کیا گیا۔ مقابلہ جات میں ریسکیو آفیسرز، ریسکیو سٹاف نے شرکت کی۔ مقابلوں میں کسی بھی ہنگامی صورت حال میں زخمیوں کی درجہ بندی کرنا، ابتدائی طبی امداد دینا، آگ لگنے کی صورت میں بروقت کاروائی کرنا ، بلڈنگ گرنے کی صورت میں مریضوں کی تلاش اور نکالنے کی کوشش کرنا، ڈوبنے والے شخص بچانے کا عملی مظاہرہ کر کے دکھایا گیا۔
ڈسٹرکٹ ایمرجنسی آفیسر ڈاکٹر سجاد احمد نے خطاب کرتے ہو ئے کہا کہ ان مقابلہ جات کا مقصد رضاکاروں کو کسی بھی ہنگامی صورتحال میں اپنی مدد آپ کے تحت ریسکیو 1122 کے پہنچنے سے پہلے محفوظ طریقے سے موقع پر پہنچ کر لوگوں کی جان بچانا ہے۔ محفوظ معاشرے کی تشکیل کے لیے ہر فرد یہ عملی تربیت لازماً حاصل کرے۔ ان کا مزید کہنا تھا کہ اب تک ضلع بھر کے سکول و کالجز، فیکٹریز، مختلف اداروں ، یونین کونسل سے اور ویلنٹیر پر مشتمل CERT ٹیمیں تشکیل دی گئی ہیں اور انشاءاللہ پاکستان کے ہر شہری کو ابتدائی طبی امداد کی تربیت فراہم کرنے کا سلسلہ جاری رہے گا۔ چیلنج میں اچھی کارکردگی دکھانے والے ریسکیو والنٹیرز پنجاب ایمرجنسی سروس اکیڈمی میں ہونے والے نیشنل چیلنج میں حصہ لیں گے۔
چیلنج کے اختتام پر محفوظ معاشرے کے قیام کے لئے ریسکیو 1122 لیہ کی اس کاوش کو خوب سراہا۔ ڈسٹرکٹ ایمرجنسی آفیسر نے اچھی کارکردگی کا مظاہرہ کرنے والے ریسکیو والنٹیئرز میں اعزازی سرٹیفکیٹ تقسیم کیے گئے۔
