لیہ) نمائندہ لیہ ٹی وی)ضلع لیہ میں نئے تعینات ہونے والے ڈی پی او علی وسیم نے چارج سنبھالتےہی محکمانہ کارکردگی کو بہتر بنانے کیلئے لیہ پولیس میں احتساب کے عمل کا آ غازکردیا،ڈی پی او علی وسیم نے سب انسپکٹر زاہد لغاری اور کانسٹیبل محمد عمران کو ملازمت سے برخواست کر دیاجبکہ ایس ایچ او سٹی شاہد عباس کو کلوز ٹو لائن کر دیا۔سب انسپکٹر زاہد لغاری کو قتل کے مقدمہ میں غفلت برتنے پر برخواست کیا گیا۔کانسٹیبل محمد عمران کو 5ماہ کی طویل غیر حاضری پر برخواست کیا گیا ، جبکہ ناقص کارکردگی کی بنیاد پر ایس ایچ او سٹی شاہد عباس کو کلوز ٹو لائن کیا گیا ۔ڈی پی او علی وسیم نے کہا کہ پولیس افسران و اہلکاران بہتر طریقے سے فرائض کی انجام دہی کو یقینی بنائیں. فرائص کی انجام دہی میں غفلت ،لاپرواہی ہر گز برداشت نہیں کی جائے گی ۔پولیس ملازمین کو اچھی کارکردگی پر انعامات سے نوازا جائے گا جبکہ ناقص کارکردگی پر سخت سرزنش کی جائے گی ۔
