لیہ : ایڈیشنل ڈپٹی کمشنر سوشل سروسز خضر ظہور کی زیرِ صدارت وزیراعلیٰ پنجاب یوتھ گیمز 2026 کے حوالے سے اجلاس منعقد ہوا، جس میں یوتھ گیمز کے تحت جاری سرگرمیوں، مقابلوں، کھلاڑیوں کی شرکت اور رجسٹریشن سمیت دیگر امور کا جائزہ لیا گیا۔اجلاس میں ڈپٹی ڈائریکٹر کالجز ذوالفقار حیدری، ڈسٹرکٹ سپورٹس آفیسر امتیاز احمد بھٹی، ڈسٹرکٹ ایجوکیشن آفیسر گل شیر، پرائیویٹ سکولز کے سربراہان اور دیگر متعلقہ افسران نے شرکت کی۔ایڈیشنل ڈپٹی کمشنر سوشل سروسز خضر ظہور نے کہا کہ وزیراعلیٰ پنجاب مریم نواز شریف نوجوانوں میں کھیلوں کے فروغ اور انہیں مثبت و صحت مند سرگرمیوں کے مواقع فراہم کرنے کے لیے اقدامات کر رہی ہیں۔انہوں نے ہدایت کی کہ یوتھ گیمز میں زیادہ سے زیادہ نوجوانوں کی شرکت یقینی بنانے کے لیے رجسٹریشن اور دیگر انتظامات مؤثر انداز میں مکمل کیے جائیں تاکہ ضلع لیہ کے باصلاحیت کھلاڑیوں کو اپنی صلاحیتوں کے اظہار کا بھرپور موقع مل سکے۔
