کوٹ سلطان (نمائندہ لَیَّہ ٹی وی) تھانہ کوٹ سلطان پولیس کی جانب سے اسلحہ ناجائز رکھنے والوں کے خلاف مؤثر کارروائیوں کا سلسلہ جاری ہے۔ پولیس نے کامیاب کارروائی کرتے ہوئے دو ملزمان کو گرفتار کرکے ان کے قبضے سے دو عدد پسٹل برآمد کر لیے۔پولیس ذرائع کے مطابق ایس ایچ او زاہد حسین لغاری کی نگرانی اور سکیورٹی انچارج محمد ایوب علوی کی نشاندہی پر سب انسپکٹر نصر اللہ اور اسسٹنٹ سب انسپکٹر قاضی ضیاء الدین نے پولیس ٹیم کے ہمراہ کارروائی کی۔کارروائی کے دوران ملزمان محمد بابر ولد امام بخش اور غلام مصطفیٰ ولد غلام عباس کو گرفتار کرکے ان کے قبضے سے دو عدد پسٹل برآمد کیے گئے۔پولیس کے مطابق ملزمان کے خلاف مقدمہ درج کر لیا گیا ہے جبکہ مزید قانونی کارروائی جاری ہے۔
