لیہ(نمائندہ لیہ ٹی وی)وزیراعلیٰ پنجاب مریم نواز شریف کے “محفوظ پنجاب” مشن کے تحت شہر بھر میں نصب سیف سٹی کیمروں کے مؤثر نظام کا جائزہ لینے کے لیے ڈی ایس پی پٹرولنگ ضلع لیہ راؤ عمر فاروق نے سیف سٹی لیہ کا معائنہ کیا۔ اس موقع پر مینیجر سیف سٹی لیہ عبدالاحد نے انہیں سیف سٹی منصوبے کے تحت نصب جدید کیمروں، کنٹرول روم اور مانیٹرنگ سسٹم کے حوالے سے تفصیلی بریفنگ دی۔ڈی ایس پی راؤ عمر فاروق نے کہا کہ سیف سٹی منصوبہ جرائم کی روک تھام،ٹریفک کی مؤثر نگرانی اور شہریوں کے جان و مال کے تحفظ میں اہم کردار ادا کر رہا ہے۔ انہوں نے کہا کہ جدید ٹیکنالوجی کے ذریعے کسی بھی مشکوک سرگرمی پر بروقت کارروائی ممکن بنائی جا رہی ہے، جس سے امن و امان کی صورتحال مزید بہتر ہو رہی ہے۔انہوں نے مزید کہا کہ جدید ٹیکنالوجی کے استعمال سے پولیسنگ کے نظام کو مؤثر اور عوام دوست بنایا جا رہا ہے تاکہ شہریوں کو محفوظ اور پُرامن ماحول فراہم کیا جا سکے، جو پنجاب حکومت اور پولیس کی اولین ترجیح ہے۔
