ضلع لَیَّہ کے 78 سرکاری سکولوں میں سولر سسٹم فعال، مزید 10 سکولوں میں تنصیب کا فیصلہ گورنمنٹ ماڈل گرلز ہائی سکول لَیَّہ میں افتتاحی تقریب، سی ای او تعلیم ڈاکٹر عبد القیوم خان نے ربن کاٹ دیا

لیہ(نمائندہ لیہ ٹی وی)لیہ میں سرکاری تعلیمی اداروں میں انقلابی اقدامات کا سلسلہ جاری، سی ای او تعلیم ڈاکٹر عبد القیوم خان کی کاوشوں سے 78 سکولوں میں سولر سسٹم تنصیب کے بعد فعال کردئیے گئے ، گورنمنٹ ماڈل گرلز ہائی سکول لیہ میں سولر سسٹم کی افتتاحی تقریب کا انعقاد کیا گیا ، چیف ایگزیکٹو آفیسر ایجوکیشن ڈاکٹر محمد قیوم خان نے ربن کاٹ کر افتتاح کیا، افتتاح کے موقع پر ڈی ای او ندیم نذیر، پرنسپل راشدہ اشرف سمیت دیگر سکولوں کی ہیڈ مسٹریس بھی موجود تھیں۔ سی ای او تعلیم ڈاکٹر محمد قیوم خان نے اب تک ضلع لیہ کے 78 سرکاری سکولوں میں سولر سسٹم فعال کردئیے گئے ہیں اور آئندہ ہفتے تک مزید دس سکولوں میں سولر سسٹم فعال کردئیے جائیں گے، انہوں نے کہاکہ وزیر اعلی پنجاب کے ویژن ، وزیر تعلیم رانا سکندر حیات خان کے اقدامات کی روشنی اور ڈپٹی کمشنر آصف علی ڈوگر کی قیادت میں سرکاری سکولوں کو معیاری نہیں بلکہ بہت معیاری بنایا جارہا ہے، سرکاری سکولوں میں بجلی بل کی بچت سے این ایس بی کی رقم دیگر سہولیات کی مزید بہتری پر پر توجہ دی جائے گی۔ انہوں نے کہا کہ تمام سرکاری سکولوں میں سولر سسٹم تعلیم دوست شخصیات ، سابق اور موجودہ ٹیچرز، پرانے طالب علموں کے تعاون سے لگائے جارہے ہیں جو خوش آئند اقدام ہے، پرنسپل راشدہ اشرف کا کہنا تھا کہ گورنمنٹ ماڈل گرلز ہائی اسکول میں سولر سسٹم کی تنصیب سے بجلی کی بلا تعطل فراہمی کے ساتھ بجلی کے بل میں بچت ہوگی جس کی رقم طالبات کے تعلیمی اخراجات پر خرچ کی جائے گی، انہوں نے سی ای او تعلیم ڈاکٹر محمد قیوم خان کی ویژن کی تعریف کی۔ تقریب کے اختتام پر ملک پاکستان کی تعمیر و ترقی کے لیے خصوصی دعا کی گئی۔ تقریب میں بہترین کارکردگی پر سی ای او تعلیم نے پرنسپل راشدہ اشرف کو تعریفی سرٹیفکیٹ سے بھی نوازا۔