لَیَّہ میں ہیلتھ ویک کے دوران خصوصی اسکریننگ کیمپ لگانے کا اعلان ڈی ایچ کیو، ٹی ایچ کیوز اور بنیادی مراکز صحت میں مفت طبی معائنہ اور مختلف امراض کی اسکریننگ ہوگی

لیہ(نمائندہ لیہ ٹی وی)وزیراعلیٰ پنجاب مریم نواز کے ویژن اور ڈپٹی کمشنر لیہ آصف علی ڈوگر کے مطابق ضلع لیہ میں بھی 14، 15 اور 16 مئی 2026 کو ہیلتھ ویک کے سلسلہ میں خصوصی اسکریننگ کیمپ لگائے جائیں گے۔ یہ کیمپ ڈی ایچ کیو ہسپتال لیہ، تحصیل ہیڈکوارٹر ہسپتال کروڑ لعل عیسن، THQ چوبارہ تھل ہسپتال اور دیگر بنیادی مراکز صحت میں قائم کیے جائیں گے جہاں شہریوں کو مفت طبی معائنہ، خواتین و بچوں کی صحت کی سہولیات، کینسر، ہیپاٹائٹس، ٹی بی، شوگر اور دیگر امراض کی اسکریننگ اور ابتدائی علاج فراہم کیا جائے گا۔ سی ای او ہیلتھ لیہ ڈاکٹر شاہد ریاض سہرانی نے کہا کہ ضلعی انتظامیہ اور محکمہ صحت کی ٹیمیں عوام کو بہترین طبی سہولیات فراہم کرنے کے لیے مکمل طور پر متحرک ہیں، جبکہ شہریوں سے اپیل کی گئی ہے کہ وہ اس سہولت سے بھرپور فائدہ اٹھائیں اور بروقت اپنا طبی معائنہ کروائیں تاکہ بیماریوں کی جلد تشخیص ممکن بنائی جا سکے۔