لیہ(نمائندہ لیہ ٹی وی) ڈپٹی کمشنر آصف علی ڈوگر کا تحصیل آفس کا اچانک دورہ، مختلف برانچوں کا معائنہ، سٹاف کی حاضری اور ریکارڈ چیک کیا۔ تفصیل کے مطابق ڈپٹی کمشنر آصف علی ڈوگر نے تحصیل آفس کا دورہ کرتے ہوئے مختلف برانچوں کا تفصیلی معائنہ کیا۔ انہوں نے سٹاف کی حاضری، دفتری امور اور ریکارڈ کی پڑتال کی جبکہ عوامی مسائل بھی سنے۔ ڈپٹی کمشنر نے رجسٹری برانچ، کمپیوٹر سیکشن اور سکیننگ سیکشن کا بھی دورہ کیا اور وہاں جاری کام کا جائزہ لیا۔ انہوں نے متعلقہ افسران و اہلکاروں کو ہدایت کی کہ عوام کے مسائل شفاف انداز میں میرٹ پر بروقت حل کئے جائیں اور شہریوں کو زیادہ سے زیادہ سہولیات فراہم کی جائیں۔ انہوں نے کہا کہ سرکاری دفاتر میں عوام کو بہتر سروسز کی فراہمی اولین ترجیح ہے اور دفتری امور میں غفلت یا تاخیر ہرگز برداشت نہیں کی جائے گی۔
