لَیَّہ (نمائندہ لیہ ٹی وی)آپریشن بنیان المرصوص معرکۂ حق کی تاریخی فتح کا ایک سال مکمل ہونے پر تحصیل انتظامیہ کروڑ لعل عیسن کے زیر اہتمام پاک فوج سے اظہارِ یکجہتی کے لیے ایک بھرپور ریلی نکالی گئی۔ ریلی میں اسسٹنٹ کمشنر کروڑ اصغر علی چیمہ، ڈی ایس پی کروڑ ملک عبدالرزاق گورچھہ، ملک عثمان علی اولکھ،مختلف شعبہ ہائے زندگی سے تعلق رکھنے والے افراد نے شرکت کی اور پاک فوج کے ساتھ مکمل یکجہتی کا اظہار کرتے ہوئے قومی جذبے سے سرشار نعرے بلند کیے۔اس موقع پر ریلی کے شرکاء نے اظہار خیال کرتے ہوئے کہا کہ آپریشن بنیان المرصوص معرکۂ حق قومی تاریخ کا ایک روشن باب ہے جس نے وطنِ عزیز کے دفاع، سلامتی اور استحکام کے عزم کو مزید مضبوط کیا۔ریلی کے ذریعے پاک فوج کی پیشہ ورانہ صلاحیتوں، قربانیوں اور ملکی دفاع کے لیے لازوال خدمات کو خراجِ تحسین پیش کیا گیا۔
