نئی ریٹ لسٹ جاری، اشیائے خوردونوش کے نرخ مقرر، عملدرآمد کا حکم

لیہ (نمائندہ لیہ ٹی وی) ڈپٹی کمشنر/کنٹرولر پرائسز اینڈ سپلائز کی جانب سےضلع لیہ میں اشیائے خوردونوش کے نرخوں کا ازسرنو تعین کرتے ہوئے نئی ریٹ لسٹ جاری کر دی گئی ہے۔ تاجر تنظیموں کے ساتھ مشاورت کے بعد مختلف اشیائے ضروریہ کے نرخ مقرر کیے گئے ہیں جن پر فوری عملدرآمد ہوگا۔ اس سلسلہ میں ایڈیشنل ڈپٹی کمشنر جنرل شبیر احمد ڈوگر کی زیر صدارت پرائس کنٹرول فکسیشن کمیٹی کا اجلاس منعقد ہوا جس میں باہمی اتفاق رائے سے نرخ نامہ جاری کیا گیا۔جاری کردہ نرخ نامہ کے مطابق چاول کائنات (نیا) 315 روپے فی کلو، چاول کائنات (پرانا) 330 روپے فی کلو، چاول اری نمبر 6 ایک سو پانچ روپے فی کلو مقرر کیا گیا ہے۔ اسی طرح دال چناء موٹی 210 روپے، دال چناء باریک 200 روپے، سفید چناء موٹا 280 روپے، سفید چناء باریک 220 روپے، دال مسور موٹی 210 روپے، دال ماش دھلی ہوئی 420 روپے، دال مونگ دھلی ہوئی 360 روپے جبکہ بیسن 210 روپے فی کلو مقرر کیا گیا ہے۔نرخ نامہ کے مطابق دودھ 160 روپے فی لیٹر، دہی 180 روپے فی کلو، روٹی 100 گرام 14 روپے جبکہ سادہ نان 120 گرام 20 روپے مقرر کیا گیا ہے۔ گوشت چھوٹا (مٹن) 1700 روپے اور گوشت بڑا (بیف) 900 روپے فی کلو فروخت ہوگا،آٹا تھیلا 10 کلوگرام اور 20 کلوگرام بطابق گورنمنٹ پالیسی دستیاب ہوگا جبکہ چینی سفید حکومت پنجاب کے مقرر کردہ نرخ کے مطابق فروخت کی جائے گی،انڈوں، سبزیوں اور پھلوں کے نرخ مارکیٹ کمیٹی کے جاری کردہ نرخ نامہ کے مطابق ہوں گے۔ایڈیشنل ڈپٹی کمشنر جنرل شبیر احمد ڈوگر نے اس موقع پر کہا کہ کہا کہ پرائس کنٹرول میکنزم کو مزید مضبوط اور فعال بنایا جا رہا ہے تاکہ شہریوں کو اشیائے ضروریہ مقررہ نرخوں پر بلا تعطل دستیاب ہوں۔ انہوں نے متعلقہ محکموں کو ہدایت کی کہ مارکیٹوں میں نرخ نامہ پر سختی سے عملدرآمد یقینی بنایا جائے دکاندار سرکاری ریٹ لسٹ نمایاں جگہ پر آویزاں کریں اور مقررہ نرخوں سے زائد وصولی کی ہرگز اجازت نہ دی جائے۔ اجلاس میں ڈی او انڈسٹری عاشق حسین، اسسٹنٹ ڈائریکٹر مارکیٹنگ عمران ستار، سیکرٹری مارکیٹ کمیٹی سید عمران شہزاد،چیئرمین انجمن تاجران حاجی تنویر احمد خان،عبدالمنان،ظہیر احمد،محمد عمران، سہیل انور گجر و دیگر موجود تھے