لیہ (نمائندہ لیہ ٹی وی)ڈی ایس پی پٹرولنگ ضلع لیہ راؤ عمر فاروق نے ماہ اپریل 2026 کی کارکردگی رپورٹ جاری کرتے ہوئے بتایا کہ پٹرولنگ پولیس نے دورانِ ماہ شاہرات پر قانون کی عملداری کو یقینی بنانے کے لیے بھرپور اقدامات کیے۔انہوں نے بتایا کہ اوورلوڈنگ اور اوور اسپیڈنگ کے خلاف کریک ڈاؤن کے دوران 59 مقدمات درج کیے گئے، جبکہ ٹریفک قوانین کی خلاف ورزی کرنے والے ڈرائیوروں کے خلاف مجموعی طور پر 9233 چالان کیے گئے۔ڈی ایس پی نے مزید بتایا کہ دورانِ سفر شہریوں کو 249 مختلف نوعیت کی مدد (ہیلپس) فراہم کی گئیں جو پٹرولنگ پولیس کے عوام دوست کردار کا مظہر ہے۔ اس کے علاوہ بغیر نمبر پلیٹ، بغیر کاغذات اور بغیر رجسٹریشن 420 موٹر سائیکلوں کو تحویل میں لے کر تھانوں میں بند کیا گیاای پولیس چیکنگ کے دوران کارروائی کرتے ہوئے 5 اشتہاری و عدالتی مفرور ملزمان کو گرفتار کیا گیا، جن کے خلاف قانونی کارروائی عمل میں لائی جا رہی ہے۔راؤ عمر فاروق نے کہا کہ پٹرولنگ پولیس کا بنیادی مقصد شاہرات پر سفر کرنے والوں کی جان و مال کا تحفظ اور ٹریفک قوانین پر سختی سے عملدرآمد یقینی بنانا ہے۔ انہوں نے شہریوں سے اپیل کی کہ وہ قوانین کی پابندی کریں تاکہ حادثات کی روک تھام ممکن ہو سکے۔
