لیہ (نمائندہ لیہ ٹی وی) ڈپٹی کمشنر آصف علی ڈوگر کی ہدایت پر گرین بیلٹس اور پارکوں کی آبیاری کے اقدامات تیز کر دئے گئے ہیں تاکہ شہریوں کو صاف ستھرا اور خوشگوار ماحول فراہم کیا جا سکے۔ اس سلسلہ میں ضلع کونسل کی جانب سے لیہ چوک اعظم روڈ پر واقع گرین بیلٹ کی باقاعدہ آبیاری جاری ہے۔ عملہ نے پودوں اور گھاس کو پانی فراہم کیا اور گرین بیلٹ کی دیکھ بھال کو یقینی بنایا تاکہ سرسبز ماحول کو برقرار رکھا جا سکے۔ ضلعی انتظامیہ کا کہنا ہے کہ شہر کی خوبصورتی اور ماحولیاتی بہتری کے لئے گرین بیلٹس اور پارکوں کی باقاعدہ دیکھ بھال کا سلسلہ جاری رکھا جائے گا، جبکہ شہریوں سے بھی اپیل کی گئی ہے کہ وہ پودوں اور سبزہ کی حفاظت میں انتظامیہ کا ساتھ دیں۔
