منظور پارک اور جنرل بس اسٹینڈ کے تعمیراتی کام تیز کرنے کی ہدایت ڈپٹی کمشنر آصف علی ڈوگر کا منظور پارک، سپورٹس ارینا، فٹبال گراؤنڈ اور جنرل بس اسٹینڈ کا دورہ، معیار اور بروقت تکمیل یقینی بنانے کی تاکید

لیہ(نمائندہ لیہ ٹی وی) ڈپٹی کمشنر آصف علی ڈوگر کا منظور پارک کا دورہ، سپورٹس ارینا، کیفے ٹیریا اور فٹبال گراؤنڈ کے کام کا معائنہ۔ ڈپٹی کمشنر آصف علی ڈوگر نے منظور پارک کا دورہ کیا اور زیر تعمیر سپورٹس ارینا، فٹبال گراؤنڈ اور کیفے ٹیریا کے تعمیراتی کام کا تفصیلی معائنہ کیا۔اس موقع پر ڈپٹی کمشنر نے متعلقہ حکام اور ٹھیکیدار کو ہدایت کی کہ تعمیراتی کام کو اعلیٰ معیار کے مطابق اور مقررہ وقت میں مکمل کیا جائے تاکہ عوام کو جلد از جلد بہترین تفریحی اور کھیلوں کی سہولیات میسر آ سکیں۔ ڈپٹی کمشنر نے کہا کہ منظور پارک کو جدید سہولیات سے آراستہ کیا جا رہا ہے جس سے نوجوانوں کو صحت مند سرگرمیوں کے مواقع میسر آئیں گے اور شہریوں کے لئے بہتر تفریحی ماحول فراہم ہوگا۔ دریں اثناء ڈپٹی کمشنر نے جنرل بس سٹینڈ کا دورہ کیا اور تعمیراتی کام کا معائنہ کیا۔ ڈپٹی کمشنر نے ہدایت کی کہ جنرل بس سٹینڈ کے تعمیراتی کام کو جلد از جلد مکمل کیا جائے۔ انہوں نے کہا کہ جنرل بس سٹینڈ کو منصوبہ کے مطابق مکمل کیا جائے تاکہ ٹرانسپورز اور مسافروں کو بہترین سہولیات میسر ہوں۔