لیہ(نمائندہ لیہ ٹی وی)25 سالہ نوجوان کے بے دردی سے تشدد کا نشانہ بنائے جانے کے بعد قتل ہونے والے نوجوان کی لاش برآمد،قتل کے ذمہ داران کی تلاش جاری، 12 روز غائب رہنے والے نوجوان کا ڈراپ سین ،تفصیل کے مطابق گزشتہ روز شہر کے وسط میں واقع گورنمنٹ ٹیکنالوجی کالج کے ساتھ واقع کھال میں موجود نوجوان کی لاش کی خبر سوشل میڈیا پر وائرل ہونے کے بعد قانون نافذ کرنے والے اداروں نے موقع پر پہنچ کر قانونی کاروائی شروع کی جبکہ 20 نومبر کی شب سے غائب 25 سالہ نوجوان محمد فہیم کے بھائی غلام مصطفی اور دیگر عزیز و اقارب نے کھال میں موجود ڈیڈ باڈی جسے انتہائی بے دردی کے ساتھ قتل کیا گیا تھا کی انگلی میں پہنی انگوٹھی کی مدد سے شناخت کر کے تھانہ سٹی لیہ میں مقدمہ درج کرایا ہے کہ محمد فہیم 20 نومبر کی شب کسی دوست کی شادی میں شرکت کا کہہ کر گھر سے گیا اگلے دن تک واپس نہ ایا تو بھائی کی گمشدگی پر تشویش ہوئی لیہ پولیس کو اطلاع دی اور اس کا موٹر سائیکل 21 نومبر کو نہر کنارے مل گیا تا ہم اس کے بھائی کا کچھ پتہ نہ چلا اور سوشل میڈیا پر ڈیڈ باڈی کی بابت خبر وائرل ہونے کے بعد انہیں بھائی کے قتل کا علم ہوا پولیس نے مقتول کے بھائی محمد وسیم ولد غلام مصطفی کی مدعیت میں نامعلوم قاتلوں کے خلاف تھانہ سٹی لیہ میں مقدمہ درج کر کے قانونی کاروائی شروع کر دی اخری اطلاعات کے مطابق قتل میں ملوث کسی ملزم کی بابت معلوم نہ ہو سکا ہے
