پٹرولنگ پولیس لدھانہ موڑ کی کارروائیاں، 886 چالان اور 4 اشتہاری گرفتاراوورلوڈنگ، اوور اسپیڈ اور کم عمر ڈرائیورز کے خلاف کارروائیاں جاری، شہریوں کی جان و مال کا تحفظ اولین ترجیح — سب انسپکٹر ملک ناصر عباس

لیہ(نمائندہ لیہ ٹی وی)انچارج پٹرولنگ پوسٹ لدھانہ موڑ ضلع لیہ سب انسپکٹر ملک ناصر عباس بھمب نےکہاہے کہ عوام کی جان و مال کے تحفظ، ٹریفک قوانین پر عملدرآمد اور شاہراہوں کو محفوظ بنانے ،قوانین کی پاسداری اور شاہراہوں کو محفوظ بنانے کے لیے پٹرولنگ پولیس بھرپور کردار ادا کر رہی ہے آر پی او پنجاب ہائی وے پٹرول ڈیرہ غازی خان خالد محمود شاہ کے احکامات اور ڈی ایس پی پٹرولنگ ضلع لیہ راؤ عمر فاروق کی ہدایت پرجرائم پیشہ افراد کے خلاف کاروائیاں جاری ہیں رواں ماہ میں اب تک بغیر ہیلمٹ موٹر سائیکل سوار اور کم عمر ڈرائیورز ، اوورلوڈنگ ، اوور سپیڈ کے خلاف قانون کے مطابق 886 چالان کیے جا چکے ہیں۔انہوں نے بتایاکہ پٹرولنگ پوسٹ لدھانہ موڑ کی طرف سے ماہ رواں میں اب تک ای پولیس ایپ کے ذریعے 4 عدالتی مفرور مجرمان اشتہاری گرفتار کیے جا چکے ہیں،اوورلوڈنگ و اوور سپیڈ کے خلاف 13 مقدمات درج کیے جا چکے ہیں ،دوران سفر 33 افراد کو ہیلپس فراہم کی گئی ہیں عوام الناس کو حادثات سے بچانے کے لیے 4 آہستہ چلنے والی گاڑیوں پر ریفلیکٹرز بھی لگائے گئے ہیں ۔ پوسٹ انچارج ملک ناصر عباس بھمب نے کہاکہ پٹرولنگ پولیس 24 گھنٹے شہریوں کی خدمت کے لیے کوشاں ہےاُن کی حفاظت اور بروقت مدد فراہم کرنا ہماری اولین ترجیح ہے جس کے لیے پٹرولنگ پولیس ہر وقت سڑکوں پر گشت کے ذریعے کسی بھی ایمرجنسی کی صورت میں فوری رسپانس بھی یقینی بناتی ہے۔