لیہ(نمائندہ لیہ ٹی وی) ڈپٹی کمشنر امیرا بیدار عید الضحیٰ پر اشیاء ضروریہ کی مقررہ نرخوں پر دستیابی کو یقینی بنانے کے لئے پر عزم ہو گئیں۔ڈپٹی کمشنر کی زیر صدارت انجمن تاجران اور کمیشن ایجنٹس کا اجلاس منعقد ہوا۔ڈپٹی کمشنر نے اجلاس سے خطاب کرتے ہوئے کہا کہ عید الضحیٰ پر ناجائز منافع خوری برداشت نہیں کی جائے گی گراں فروش عید جیل میں گزاریں گے۔انہوں نے کہا کہ عید مسلمانوں کا مقدس تہوار ہے، تاجر برادری عوام کے لئے آسانیاں پیدا کریں منڈی سے مارکیٹ تک قیمتوں میں اعتدال رکھا جائے۔انہوں نے کہا کہ سبزیوں، پھلوں اور کچن آئٹمز کی مقررہ نرخوں پر دستیابی کو یقینی بنایا جائے۔ ڈپٹی کمشنر نے کہا کہ ضلعی انتظامیہ مقررہ قیمتوں پر عملدرآمد یقینی بنائے گی گراں فروشوں سے کوئی رعایت نہیں برتی جائے گی تاجر رہنما اور کمیشن ایجنٹس انتظامیہ سے تعاون کریں۔اس موقع پر تاجر نمائندگان کا عید الضحیٰ پر انتظامیہ سے بھر پور تعاون کے عزم کا اظہار کیا۔اجلاس میں اسسٹنٹ کمشنر حارث حمید خان، اسسٹنٹ ڈائریکٹر ای اے ڈی اے عمران ستار، ڈی او انڈسٹری عاشق حسین، چیئرمین مارکیٹ کمیٹی عمران شاہ، چیئرمین انجمن تاجران تنویر احمد خان، تاجر رہنما واحد بخش باروی، محمد افضل اور محمد اسلم بھی موجود تھے
