ملتان (نمائندہ لیہ ٹی وی)پی ایچ اے ملتان کریم بخش کی زیر صدارت موسم بہار کی شجرکاری بارے جائزہ اجلاس،گرین بیلٹس اور پارکوں میں پھولوں کی سجاوٹ کے احکامات جاری کر دیئے۔پھولوں کی سجاوٹ کے لیئے بہترین حکمت عملی تشکیل دینے کے احکامات جاری کر دیئے گئے ہیں۔ادارے کی بہتری اور شہر کی خوبصورتی کے لیئے مشترکہ کاوشوں کی ضرورت ہے سی ایم پنجاب کے وژن پر عمل پیرا ہیں۔
ان خیالات کا اظہار ڈی جی پی ایچ اے ملتان کریم بخش نے اجلاس کی صدارت کے موقع پر کیا اس موقع پر ڈائریکٹر ایڈمن اینڈ فنانس پی ایچ اے ملتان حافظ اُسامہ،ڈائریکٹر ہارٹیکلچر سعد قریشی اور ہارٹیکلچر کا فیلڈ سٹاف بھی موجود تھا۔اُنھوں نے مزید کہا کہ شہر کی خوبصورتی میں اضافے کے لیئے بھرپور اقدامات کر رہے ہیں۔ہائی کورٹ روڈ،فلائی اوورز،نادرن بائی پاس،کچہری چوک اور دیگر مقامات پر پھولوں کی سجاوٹ جاری ہے۔موسم بہار میں مزید پھولوں اور درخت لگائے جائیں گے۔ڈی جی پی ایچ اے ملتان کریم بخش نے کہا کہ پھولوں کو پانی کی فراہمی کے لیئے مربوط حکمت عملی اختیار کی جائے ملازمین اور آفیسران شہر کی خوبصورتی میں بھرپور کردار ادا کریں اور اپنی اپنی ذمہ داریاں ایمانداری سے سر انجام دیں۔
