لیہ (نمائندہ لیہ ٹی وی) پنجاب ہائر ایجوکیشن ڈیپارٹمنٹ نے لیہ یونیورسٹی کے بی ایس انگلش (ساتویں سمسٹر) کے طالبعلم احمد حسن کی مبینہ خودکشی کی تفصیلی تحقیقات کے لیے اعلیٰ سطحی انکوائری کمیٹی تشکیل دے دی حکومتی نوٹیفکیشن کے مطابق، کمیٹی کی قیادت ڈاکٹر منصور احمد بلوچ (سی او او، پی ایچ ای سی) کریں گے، جبکہ دیگر اراکین میں شاہد ملک (اے ڈی سی آر لیہ)، ڈائریکٹر ایجوکیشن (کالجز) ڈی جی خان، اور دیگر متعلقہ افسران شامل ہوں گے۔کمیٹی کو 48 گھنٹوں میں اپنی رپورٹ پیش کرنے کی ہدایت کی گئی ہے، جس میں واقعے کے پس منظر، گواہوں کے بیانات، اور اگر کوئی الزامات ہیں تو ان کی سچائی کی تصدیق شامل ہوگی۔ اس کے ساتھ ہی ذمہ داری فیکلٹی یا یونیورسٹی اسٹاف پر عائد ہونے کی صورت میں ان کے خلاف کارروائی کی سفارش بھی کی جائے گی۔طلبہ اور عوامی حلقوں میں اس واقعے پر شدید تشویش پائی جاتی ہے، جبکہ ہائر ایجوکیشن حکام کا کہنا ہے کہ تحقیقات مکمل ہونے کے بعد سخت ایکشن لیا جائے گا۔آخری اطلاعات کے مطابق، کمیٹی کے اراکین نے لیہ یونیورسٹی پہنچ کر انگلش ڈیپارٹمنٹ کے ہیڈ، تمام فیکلٹی ممبران، اور طلبہ کے بیانات ریکارڈ کرکے اپنی تحقیقات کا آغاز کر دیا ہے۔ کمیٹی کی رپورٹ سے احمد حسن کی موت کا معمہ حل ہونے کے امکانات ہیں۔
جمعہ, دسمبر 5, 2025