لیہ( نمائندہ لیہ ٹی وی)ڈسٹرکٹ کمپلیکس کے نزدیک کوڑا کرکٹ کا ڈمپنگ پوائنٹ ،آلودگی سے ملازمین میں بیماریاں پھیلنے کا خدشہ محکمہ صحت نے میونسپل کمیٹی لیہ کو لیٹر جاری کردیا،محکمہ صحت ضلع لیہ کی جانب سے جاری لیٹر کےمطابق ڈسٹرکٹ کمپلیکس میں کوڑا کرکٹ کے ڈھیروں سے صحت کے خراب ہونے کے خدشات بڑھ گئے ہیں۔میونسپل کمیٹی لیہ کی جانب سے ڈسٹرکٹ کمپلیکس لیہ کی اراضی میں شہر کا کوڑا کرکٹ و کچرا پھینکنے سے غیر صحت مند ماحول پیدا ہو گیا ہے جس سے کمپلیکس میں واقع مختلف دفاتر کے ملازمین کے کام کا ماحول بری طرح متاثر ہو رہا ہے۔ڈسٹرکٹ کمپلیکس کئی اہم دفاتر کا گھر ہے، جن میں ڈپٹی کمشنر آفس، لیہ، ڈسٹرکٹ ہیلتھ اتھارٹی، ایکسائز اینڈ ٹیکسیشن آفس، میپکو آفس، کاؤنٹر ٹیررازم ڈیپارٹمنٹ (سی ٹی ڈی)، میپکو (واپڈا) اور ڈسٹرکٹ کورٹس شامل ہیں۔ غیر صحت مند حالات ملازمین کے لیے اپنے فرائض کی ادائیگی کو مشکل بنا رہے ہیں۔کوڑے کو غلط طریقے سے ٹھکانے لگانے سے ڈینگی بخار، چکن گونیا، زرد بخار، ہیپاٹائٹس بی اور سی، روٹا وائرس، نورو وائرس اور ایسٹرو وائرس سمیت متعدد وائرل بیماریاں پھیل سکتی ہیں۔اس مسئلے کو حل کرنے کے لیئے میونسپل کمیٹی لیہ سے درخواست کی جاتی ہے کہ وہ فوری طور پر یہ ضروری اقدامات کیے جائیں۔فوری طور پر کوڑے کے ڈھیر کو جلد از جلد ہٹا دینا چاہیے تاکہ مزید ماحولیاتی اور صحت کے خطرات سے بچا جا سکے۔کوڑا کرکٹ ہٹانے کے بعد علاقے کو برابر کر کے ریت سے ڈھانپ دیا جانا چاہیے تاکہ باقی فضلہ کو پھیلنے سے روکا جا سکے۔ان اقدامات سے ملازمین اور ڈسٹرکٹ کمپلیکس میں آنے والوں کی صحت و تندرستی کو یقینی بنایا جا سکتا ہے۔
