. لیہ(نمائندہ لیہ ٹی وی)ایڈیشنل ڈپٹی کمشنر جنرل محمدشبیر احمدڈوگرکی زیرصدارت ڈسٹرکٹ ویجی لینس،ٹریفکنگ ہیومن پرسن کمیٹی کا اجلاس منعقدہوا۔ اجلاس میں ڈی ایس پی محمدحیات،لیبرانسپکٹرمحمدافضل ودیگر موجود تھے۔ ایڈیشنل ڈپٹی کمشنر جنرل محمدشبیر احمدڈوگرنے اجلاس سے خطاب کرتے ہوئے کہا کہ چائلڈ لیبر کے خاتمہ کے لئے تمام ادارے مشترکہ جدوجہد کریں حکومتی احکامات پر سختی سے عمل کرایا جائے ضلع بھر میں کسی بھی بھٹہ پرچائلڈلیبر کی خلاف ورزی نہیں ہونی چاہیے تمام اینٹوں کے بھٹوں ،ورکشاپس، ہوٹلز، گھروں سمیت تمام ایسی جگہوں کامعائنہ کیاجائے جہاں بچوں سے جبری مشقت کروائی جاتی ہوچا ئلڈ لیبر میں ملوث افراد کے خلاف کارروائی عمل میں لائی جائے۔انہوں نے کہاکہ انسانی سمگلنگ کی روک تھام کیلئے کمیٹی اپنا بھرپور کردار ادا کرے جبری مشقت اور انسانی سمگلنگ کی روک تھام ہمارا فرض ہے انسانی سمگلنگ کرنے والوں کیساتھ آہنی ہاتھوںنمٹتے ہوئے ایسے عناصر کیخلاف سخت ایکشن لیا جائے گا
