فوج کے میڈیا ونگ نے بتایا کہ بلوچستان کے ضلع ہرنائی میں آپریشن کے دوران دو فوجی شہید جبکہ تین دہشت گرد مارے گئے۔
آئی ایس پی آرکے مطابق ضلع ہرنائی میں منصوبہ بندی کرنے والے دہشت گردوں کی موجودگی کی اطلاع پر، میجر محمد حسیب کی سربراہی میں سیکیورٹی فورسز کو فوری طور پر متحرک کیا گیا۔
کاروائی کے دوران 3دہشت گروں کا ہلاک کردیا گیا
تاہم آپریشن کے دوران سیکیورٹی فورسز کی معروف گاڑی پر دیسی ساختہ بم پھٹ گیا، جس کے نتیجے میں قیادت کرنے والےایک بہادر افسر میجر محمد حسیب (28)، حوالدار نور احمد (38) بہادری سے لڑتے ہوئے قربانی دی اور شہادت کو گلے لگا لیا۔
بیان میں کہا گیا کہ پاکستان کی سیکیورٹی فورسز قوم کے ساتھ قدم سے قدم ملا کر بلوچستان کے امن، استحکام اور ترقیکی راہ میں رکاوٹ ڈالنے والوں کے خلاف سینہ سپر ہیں اور ہمارے جوانوں کی قربانیاں ہمارے حوصلے پست نہیں کرسکتیں
ملک میں حال ہی میں خاص طور پر بلوچستان اور کے پی میں سیکورٹی فورسز، دیگر قانون نافذ کرنے والے اداروں اور سیکورٹی چوکیوں کو نشانہ بنانے والے حملوں کی تعداد میں اضافہ دیکھنے میں آیا ہے۔
ایک روز قبل، سیکیورٹی فورسز نے بلوچستان کے ضلع کیچ میں فائرنگ کے تبادلے کے دوران "ہائی ویلیو ٹارگٹ” سمیت چار دہشت گردوں کو ہلاک کر دیا تھا۔
اسی روز خیبرپختونخوا کے ضلع میران شاہ میں ایک اور آپریشن میں سیکیورٹی فورسز نے آٹھ دہشت گردوں کو ہلاک کردیا۔
